Hans Strik » Rogier van Petershem (????-< 1444)

Persoonlijke gegevens Rogier van Petershem 

• Hij is geboren in Vermeld 1415-1439.
• Titel: he(re) van leefdale en(de) van ymdeBron 1
• Titel: Heer van LeefdaelBron 2
• Titel: he(re) van werde en(de) van leefdaleBron 1
• Feiten:
• (vermelding) Akte Leuvense Schepenbank.Bron 3

  It(em) ghijsbrecht vande(n) audenhove rentmeest(er) jonck(er) rogiers van pyet(er)shem tot/
  leefdale heeft hem verweert als man van buyten jege(n) lijsbette(n) steenwinkels/
  van alsulk(er) claghe(n) van l crone(n) als si tot de(n) voirs(creven) ghijsbrecht gedaen/
  hadde cor(am) eisd(em)/

• (vermelding) in het jaar 1422 Akte Leuvense Schepenbank (schepenjaar 1422).Bron 3

  Cond sij alle(n) liede(n) dat arnt arts dieme(n) heet de briede(re) en(de) wout(er) vande(n)/
  steenweghe die sijnre dochter heeft sijn come(n) in jegenwordicheyt d(er) scep(enen)/
  va(n) loeve(n) en(de) hebbe(n) genome(n) en(de) bekent dat si genome(n) hebbe(n) van jonch(er)/
  rogier s van piet(er)shem he(re) va(n) leefdale de ka(m)me des selfs jonch(er)/
  also si gelege(n) is tot leefdale te houde(n) en(de) te hebbe(n) van sente remeys/
  misse tnaist come(n)de eene(n) t(er)mijn van acht jae(re)n [lanc] deen na dand(er) d(aer)/
  sond(er) myddel volgende elcs jaere dae(re) en bynne(n) om elf hollanschen/
  gul(den) van goude goet en(de) gheve oft de w(er)de d(aer) af te sente remeys/
  misse te betale(n) de voirs(creven) jonck(er) rogier en(de) ghijbrechte va(n) oude(n)hoven/
  oft den ene(n) va(n) hen b(ri)ng(er) des briefs alle jae(re) de(n) voirs(creven) t(er)mijn duer(ende)/
  En(de) telke(n) t(er)mine alse v(er)volghde schout also dat si bynne(n) de(n) voirs(creven)/
  acht jae(re)n betale(n) sele(n) acht rente(n) Ite(m) is te wete(n) dat de vors(creven)/
  jonck(er) de(n) voirs(creven) p(er)sone(n) de vors(creven) ka(m)me gelev(er)t heeft in(de) v(ur)werde/
  hier na volgende inde(n) yerste(n) twee grote cupe(n) gescatt vier blaue/
  crone(n) Ite(m) tketelhout gescatt een blaeu croen It(em) twee kuelvate/
  gescatt xxxii placke(n) Ite(m) vi ame vate elc vat gescatt vi placke(n) /
  gedragende te gader xxxv pl(a)c(ken) Ite(m) een oud(er) vat en [een] oud(er) stoep/
  te gad(er) vi pl(a)c(ken) Ite(m) een tijnd en(de) ene(n) trechter te gad(er) vi pl(a)c(ken)/
  Ite(m) denen werc vande(n) ketel geschatt vijf blaeu crone(n) en(de)/
  ind(er) selv(er) w(er)de hebbe(n) geloeft de vors(creven) arnt en(de) wouter de selve/
  ka(m)me met haerre toebehoirte(n) ten eynde vande(n) voirs(creven) t(er)mijn/
  wed(er) te leve(re)n jonck(er) rogier voirs(creven) met gesworen schatters met sek(er)/
  vorw(er)de is si dan bet(er) dat sal hen wed(er) comen en(de) is si argher/
  dat sele(n) si de(n) voirs(creven) jonck(er) rogier oprichten en(de) de schatters selen/
  si gelijc drage(n) Voert weert sake dat si yet ty(m)mere(n) dade(n)/
  aende ka(m)me voirscr(even) bynne(n) de(n) voirs(creven) t(er)mine dats hen noetdorft/
  wae(re) en(de) des si niet derve(n) en mochte(n) dat sal jonck(er) rogier [vors(creven)] hen/
  hen afslaen te(n) leste(n) jae(re)n van hae(re)n t(er)mine voirscr(even) voert sele(n)/
  si alle jae(re) hebbe(n) een boend(er) bosch op werberch inde(n) coep/
  dat daer ghildt oft hen genueght cor(am) pynnoc capel(le)[ma(n)]/
  septembr(is) xxiiii

• (vermelding) op 11 september 1439 Akte Leuvense Schepenbank.Bron 3

  Cond sij allen lieden dat jan laureys van rode bi cortelke in jeg(enwordicheit)/
  der scepen(en) van loeve(n) gestaen heeft genomen en(de) bekent dat/
  hij genome(n) heeft van janne van ned(er)hem van rode voirs(creven) de/
  moelenen van wesenmale te weten de coren moelen en(de) de/
  slachmoelen met hae(re)n toebehoirten gelijc de selve jan van
  //
  van ned(er)hem de voirs(creven) moelene(n) voirmaels genomen heeft tegen jonck(er)/
  rogie(re) van pyet(er)shem he(re) van werde en(de) van leefdale gelegen tot/
  uuthem inde p(ro)chie van wezemale opde wynge aldair te houden/
  en(de) te hebben tuschen dit en(de) tsensjansmi sente jansmisse bap(tis)[ten]/
  naestcomen(de) om dertich mudde rogs goet en(de) payabel alsulken/
  rogge als de voirs(creven) moelen wynnen sal der maten van loeven/
  half te kersmisse en(de) half te sent jansmisse te betalen en(de) inde/
  voirs(creven) moelen te leve(re)n telken t(er)mijn alse v(er)volghde schout en(de)/
  waer also dat de voirs(creven) jan van ned(er)hem bynne(n) den t(er)mijne voirs(creven)/
  e(n)nige scade lede of hadde aen de steenne of aen de moelen(en) die/
  toequame bij ocsuyn en(de) toedoen des voirs(creven) lau jan laureys dat/
  de selve jan laureys die den voirs(creven) janne van ned(er)hem oprichte(n)/
  en(de) betalen sal ter taxacien van goeden ma(n)nen die hen des/
  verstaen op also dat de voirs(creven) jan van nederhem den voirs(creven) moelen(en)/
  wel en(de) loflic houde(n) sal van wande en(de) van dake en(de) va(n) alle(n)/
  gaende en(de) ke(re)nde wercke en(de) oic van steenne(n) also dat de(n) voirs(creven) ja(n)ne/
  laureys daer af gheen scade en come sonder argelist hier af zijn/
  borgen des voirs(creven) jan laureys lambrecht de man en(de) goessen de/
  man beide van rode bij cortelke de welke de voirs(creven) ja(n) laureys/
  hier af geloeft heeft scadeloes en(de) co(m)merloes te houde(n) en(de) tontheffen/
  roelants velde sept(embris) xi/

• (vermelding) op 24 juli 1442 Akte Leuvense Schepenbank.Bron 3

  It(em) den dach van thoenen tusschen claese de moll die nae den rechte d(er) stad van/
  loeven(en) beleidt es tot den goeden jonk(er) rogiers van pyet(er)shem he(re) van leefdale/
  en(de) van ymde in deen zijde janne vande(n)r berghe [brugge(n)] janne van zelleke en(de) gielijse van/
  cothem met hoe(re)n werdynne(n) in dande(r) es van heden in xiiii nachten te/
  mistide cor(am) eisd(em)

• (vermelding) op 16 augustus 1442 Akte Leuvense Schepenbank.Bron 3

  Van jonck(er) rogier van pyet(er)shem en(de)/
  claese de mol/
  It(em) het sijn comen in rechte voe(r) meye(r) en(de) scepen(en) van loven(en) claes de moll/
  die na den rechte der stad van loeven beleit es tot den goeden jonck(er) rogiers/
  van pyet(er)shem he(re) van leefdale en(de) van ymde welc beleidt geschiet es/
  inden vollen stoele van hem en(de) van joffr(ouwe) johanne(n) wilen van stalle sijnder/
  huysvrouwe(n) in deen zijde en(de) jan van zelke gielijs van cothem en(de) jan vand(er)/
  bruggen in dand(er) zijde Dair tusschen de voirs(creven) p(ar)tien bedingt worden x dach(mael)/
  lants geleg(en) inde p(ro)chie van dorepe ter plaetsen gehete(n) opte(n) winckel tussche(n)/
  de goede des cloesters van vorst aen deen zijde en(de) den bosch van zittert in/
  dander zijde en(de) de lande van zittert op dand(er) twee zijden de welke goede de/
  voirs(creven) drie p(er)sonen als momboe(re)n hoe(r) werdinne(n) aenspraken meynende dat hen/
  die volgen souden om dat die van hoe(r) werdynnen ouders comen wegen comen/
  wae(re)n te wete(n) van jans wege(n) van dyoen Het en wae(re) dat de voirs(creven) claes/
  gethoene(n) conste dat de selve wilen jan van dyoen dier gederft hadde Op/
  dwelke de voirs(creven) claes dede seggen en(de) bij leggen alrehande bescheit ende/
  onder den ande(re)n dat jonck(er) henric wilen van stalle brued(er) der voirs(creven) joffr(ouwe)/
  joha(n)nen de voirs(creven) goede gepossesseert en(de) beseten hadde ov(er) xx xxv xxx/
  en(de) ov(er) xxxv jair en(de) daghe en(de) daer boven als zijn wittich p(ro)per erve/
  en(de) dat hij daer uut gestorve(n) wae(re) als uut sijnen erve en(de) dat die also bleve(n)/
  wae(re)n op d(er) voirs(creven) joffr(ouwe) joha(n)nen zijnd(er) zust(er) vanden welken de voirs(creven) p(ar)tien/
  int recht alrehande thoenisse leyden in beyden zijden welcx thoenissen de voirs(creven)/
  claes geheelic volqua(m) Bileggen(de) inden rechte oft hem dat thoenisse yet te/
  cleyn wae(re) en(de) hijs behoefde Soe p(rese)nteerde hij uut macht van zinen beleide/
  dair toe te doen sijn behoudt also dat van rechte behoe(re)n soude (et)c(etera) Hier op worden/
  de scepen(en) van loven(en) gemaent vanden meye(r) van loven(en) die wijsden voer een/
  vonnisse Soe waer de voirs(creven) claes uut macht van sijnen beleide sijn behoudt/
  dade vanden voirs(creven) goeden als recht dat hem dan en(de) sinen beleide de voirs(creven)/
  goede volgen souden Welc behoudt de voirs(creven) claes inden rechte gedaen heeft/
  met desen woerde(n) yerst lesen doende een cedule die de voirs(creven) x dach(mael) lants/
  begrepen hadde gelijc sij boven gescreve(n) staen en(de) leyde sijn hande op de/
  heyligen en(de) seide Dese x dach(mael) lants gelijc [se] daer gelesen sijn hebben
  //
  jonck(er) rogier van pyet(er)shem tot wyems goeden ic beleydt ben en(de) joffr(ouwe) joha(n)ne/
  van stalle sijn medegesellynne was en(de) hoir voirseten en(de) beseten en(de) gepossesseert/
  als hoir p(ro)per erve over xxx jair en(de) daghe en(de) dair boven en(de) dat es noch/
  uut mach van mijne(n) voirs(creven) beleyde mijn p(ro)per erve soe moet my god hebb/
  helpen en(de) de heyligen en(de) als dat gesciet was quame(n) twee wittige ma(n)nen/
  die wynners noch verliesers en wae(re)n te wete(n) gheert van ov(er)velt en(de) vranck/
  lots en(de) leyden hande opte heyligen en(de) swoe(re)n dat dien eedt die de voirs(creven)/
  claes gedaen hadde wae(r) goet gerechtich en(de) o(n)meyneedich soe moest hen/
  god helpen en(de) de heyligen Also dat de scepen(en) van loven(en) voirt gemaent/
  worden vanden meye(r) van loven(en) die ten uutersten wijsden voer een vonnisse/
  dat den voirs(creven) claese den moll en(de) sijnen beleyde na tbehoudt dat hij gedaen/
  hadde de vos(creven) voirs(creven) goede volgen selen pynnoc opp(endorp) kersmake(re) velde/
  vynckenbosch willemair aug(usti) xvi

• (vermelding) op 9 september 1456 Akte Leuvense Schepenbank.Bron 3

  It(em) want henrick van piet(er)shem doude [en(de) h(er)] henrick van piet(er)shem [prieste(re)] de jonge en(de) symoen/
  van piet(er)shem gebruede(re)n alle drie [beide] natuerlike kynde(re) joncker rogiers wile(n)/
  van piet(er)shem [en(de) symoen van pietershem hoir neve] gevo(n)nist hebben zeke(re) scepen(en) brieve van loeven d(aer)mede zij/
  bevesticht zijn en(de) bewijst van xcvii gulden clinckarts d(er) mu(n)ten sh(er)toge(n)/
  van bourg(oignen) en(de) van brabant erfliker renten Alle jare te kersmisse te/
  betalen en(de) inden wissel d(er) stad van loeven te leve(re)n Te weten den/
  voirs(creven) henricken den jongen en(de) symoene elken xxxi clinckarts en(de)/
  den voirs(creven) henricken den ouden xxxv clinckarts Aen en(de) op alle de/
  omberuerlike en(de) erfgoede die wae(re)n svoirs(creven) wilen jonck(er) rogiers zo/
  verre die eygen of tsijsgoede zijn en(de) zij van zijnd(er) zijden zijn gecomen/
  oft by hem vercregen en(de) niet voird(er) so waer die gelegen oft hoe zij/
  genoemt zijn En(de) tvo(n)niss(e) d(er) scepen(en) van loeven gewijst heeft dat de/
  meye(r) trecken soude op te pande vonde hij te panden so soude/
  hij panden en(de) en vonde hij niet te panden so soude hij voirtvare(n)/
  metten rechte En(de) de voirs(creven) meye(r) en(de) scepen(en) op te voirs(creven) goede comen(de)/
  niet te panden vonden en es So heeft de meye(r) ten p(rese)ncien d(er) voirs(creven)/
  scepen(en) de voirs(reven) goede en(de) ond(er)pande den voirs(creven) gebruede(re)n [en(de) symone] gelev(er)t en(de)/
  in handen gesett voe(r) gebreck vand(er) voirs(creven) erfrenten en(de) den coch cost/
  va(n) rechte d(aer)op geloepen cor(am) beert m(er)cels sept(embris) ix/

• Hij is overleden voor 1444.Bron 4
• Een kind van Jan II van Petershem en Aleidis van Heers
• Deze gegevens zijn voor het laatst bijgewerkt op 21 november 2015.

Gezin van Rogier van Petershem

(1) Hij is getrouwd met Johanne van Stalle.

Zij zijn getrouwdBron 5

(2) Hij is getrouwd met Jeanne de Hamal.

Zij zijn getrouwdBron 5

Kind(eren):

1. Henrick van Petershem  
2. Henrick van Petershem  

Heeft u aanvullingen, correcties of vragen met betrekking tot Rogier van Petershem?
De auteur van deze publicatie hoort het graag van u!