Zij heeft/had een relatie met Willem Peter Stelaerts.
Kind(eren):
1445 mei 1 847.Sch.Otw,R.155,010v-02
Cont sy enen yegeliken dat want Dirck z. qd Gheryts geh. die Bont voer sijn gebrek dats te weten voor enen jaerliken ende erfeliken pacht van enen halven mudde rogs te vergelden alle jaer erfelijc op onser Vrouwen dach alsmen kersen dreeght van ende vut der helft tot Willemen z. qd Godevaerts geh. Ommaet z. qd Willem Ommaten behorende in
vijf buender lands gelegen inder prochye van Westilborch ter stede geh. by den Hovel dats te weten vut dier helft daeraf die welc gelegen is aen die zide zuutwaert < tusschen erfenis Elisabetthen geheyten Stelaerts wedewe qd Willem Stelaerts ende hoer kynder Z > erfenis Jans geh. die Voeght die daerjegen deylt N ^ vander gemeynder straten v erfenis toe des convents der heren van Tongerloe
welc half mudde rogs erfpacht voirs. Dirck z. qd Gherijts geh. die Bont voirs. jeghen Willemen z. qd Godevaerts geh. Ommaet soen qd Willems geh. Ommaet in wittigen cope gecregen hadde put in litt. scab. de Oesterwijck cont. quam data contin. int jaer ons Heren dusent vyerhondert dertich ende negen opten heyligen dertien avont ons Heren [5-1-1440] ende welken pacht voirs. den voirgh. Dirck gebrack ende nyet vergouden en was denselven ut dixit gericht waert met vorreder? scepenen van Oesterwijc aen? die voirs. helft vander vijf buenderen lands voirs. welc gericht Aert z. qd Aert Ennekens in name ende vanwegen Dirck Gherijts z. voirs. daer hi een volcomen macht af hadde volcomelijc volvuerde allen ende een yegelijc daertoe dede die hi daertoe sculdich was te doen nyet altemael after gelaten; Alsoe doen dit aldus gesciet was etc. dit weder overgegeven ende opgedragen etc. hierna soe heeft Dirck voirs. dese voirs. helft vanden vijf buender lands voirs. voer dit ges. gebreck voer den onraet die daerop gegaen is ende voer enen gulden meer daer en teynde vercoft Aerde van Loet z. qd Aerts van Loet vanden selve Aerde coper etc. den welke coper etc. scab. Ethen, Laureys Merica? Pistoris senior et Art Hermans z. in die sanctorum Philippi et Jacobi apostolorum anno xLv