Hij is getrouwd met Geertruijdt N.N..
Zij zijn getrouwd
Kind(eren):
- schepen van Lith rond 1550
schepenbank Lith
87 Voer scepen BERNT DIRCXZ ende Wilm Henricxz. Cristina achtergelaten wedue Henric Roversz zeelijger heeft gegeven ende gemaekt LAMBERT BERNTSZ ende Henric Goertsz van Maren man MARIJ sijnre huijsvrouwe desen tween wittijge kijndrn verweckt Bernt Dircxz bij sijn echte getroude huijsvrauwe GEERTRUIJDT zelijger dat dese voorgenoemden Lambert ende Henric sullen succederen ende ontfangen in rechter erfftalen als gerechte erffgenamen in allen haren guederen erven waer sij gelegen sijn ende oeck in gerede goet hier niet van wtgesceijden te zijn na doot van Crijstijna ende oock so sullen Lambert ende Henric voers betalen alle die schult die Cristijna schuldich is ende wederom bueren allet gene datmen haer schuldich is, inde ierste aengaende het erff goet 5 hont lants inden ham het dwelck Cristijna toebehoert, ende alnoch enen halven mergen de helfft daer aff welken halven mergen Henric Roversz ende Cristijna tsamen gecofft ende hebben van Gijb Iacobsz, belendingen: Iacob Rutten; Lambert Huijgen; den breden wech; DIRCK BERNTS erfgenamen; noch enen rijnsgulden iaerlicx pachts die haer geldende is Wilm Ian Dircxz ende voert niet wtgesceijden in erff off gereet goet nu ter tijt hebbende off namaels vercrijgende ende dit altesamen sonder enich weder seggen nu ende ten ewijgen dagen. Datering: 3-2-1551 na den stijl van Luijck [zie scan]
= is heer Adriaen Berntsz ook een zoon..?
61 Voer scepen Peter Lambertsz ende Gijsbert Ianss. Wilm van Geffen Wilmsz alt sijnde ontrent 74 iaren; Iacob Aerntss alt sijnde omtrent 60 iaeren; Gerit de Vries Rutgerss alt sijnde omtrent 60 jaeren; Hugo Peterss alt sijnde ontrent 60 iaeren; Daniel Emontss alt sijnde omtrent 47 iaren; hebben eendrechtelijck getuijcht op haren eedt met recht daer toe gedaecht om dat die voers der waerheijt getuijchtenis te geven dat hem kenlijck is dat die scepenen in Lith in der tijt dat altaer van Sinte Caterijnen inden kercke tot Lith hebben gegeven ende den bode off vorster inden kercken wtgeroepen heefft op sonnendaech inder tijt doen van dat altaer van Sinte Caterijn den rectoer overleden is geweest off daer iemants gerecht weer int altaer van Sinte Caterijn hier in onser kerken van Lith, dat hij wt soude sien so en hebben dese voers die hier tuijgen noot gehoert dat iemant beter besceijt gehadt heeft dan heer ADRIAEN BERNTSZ, so hebben die scepenen in Lith heer Adriaen voers het altaer van Sint Caterijn gegeven ende daer mede voorsien, noch so tuijchden dese voers getuijgen dat sij noot gesien en hebben noch gehoert dat die scepenen daer gifften off gaven aff gehadt hebben. Heer Mathijs Goertsz alt sijnde 73 iaer tuijcht op sijnen eedt sijn rechter hant op sijn borst hebbende gelijck enen priester sijnen eet behoert te doene met recht daer toe gedaecht accordeert met desen voers getuijgen. Goeirt Geritss alt sijnde omtrent 60 iaeren tuijcht op sijnen eet met recht daer toe gedaecht accordeert met heer Matijss voers. Jan van Heeze Ianss tuijcht op sijnen eet met recht daer toe gedaecht bode off vorster wesende inder selver tijt ende noch is dat hij drie sonnendaech indier tijt wtgeroepen heefft inder kerken van Lith off daer iemant gerecht weer totten altaer van Sinte Caterijn inder kerke van Lith dat hij wt sol sien mer hij en heefft niemant gesien off gehoert die beter bescijn off besceijt gehadt off gebracht heefft dan heer Adriaen Berntsz ende noot gesien off gehoert dat die scepenen enijgen gifften off gaven gehadt hebben off niet en hebben horen bieden off eijsschen; bij dese voers puncten daer blijven dese acht voers bij op haren eet; noch certificeren wij scepenen die noch inden leven sijn ende dier tijt die gifft gegeven hebben des altaers van Sinte Caterijn inder kerken van Lith dat hebben wij gegeven na inhaut der fondacien ende dat niet om gifften noch om gaven off gifften noch gaven van heer Adriaen Berntsz ontfangen hebben off van sijnent wegen.
Datering: 20-3-1551
Bernaert Dircxz | ||||||||||||||||||||||||||||||||||||||
Geertruijdt N.N. | ||||||||||||||||||||||||||||||||||||||
De getoonde gegevens hebben geen bronnen.