Stamboom Van Osch » Danel Pietersz Butewech (± 1385-< 1465)

Persoonlijke gegevens Danel Pietersz Butewech 

• Hij is geboren rond 1385.
• Hij is overleden voor 1465 in Leiden.
• Een kind van Pieter Dirksz. Butewech en Lijsbet Willemsdr Dovez van Rietwijc
• Deze gegevens zijn voor het laatst bijgewerkt op 6 januari 2023.

Gezin van Danel Pietersz Butewech

Notities over Danel Pietersz Butewech

bron: Cartularium van Hendrik Hendriksz. Inhoudende akten van overdracht te Aarlanderveen, Alphen aan de Rijn, Bodegraven, Boschhuizen, Leiden, Leiderdorp, Oegstgeest, Zoeterwoude en Zevenhuizer Polder [1409-1440]

Nr. 47 folio 25 d.d. 07-04-1430.
Eenen brief van lande dat gecoft wort tegens Danel Pieter Butewechsz.
Kanttekening: Gelegen in Boschuijsen.
Wi Jan Heerman ende Claes Claesz. scepenen in (Leijden) oirkonden dat voir ons quam Danel Pieter Butewech zoen ende gheliede dat hi vercoft heeft Heijnric Heijnric zoen vier morghen lands twie hont ende 25 gairden mitter sulker maet alst ghelegen is in tween weren lands. Ende ziin ghelegen inden ambocht van Zoeterwoude in gemengheder vuer mit Andries van der Burch ende mit Sinte Katrinen gasthuus te Leiden. Ende heeft belegen an die oestzide tcloester van Egmonde, an die westside Heijnric voirscr. mit oude Boschusen, streckende voir vten Riin after an tgasthuus lant voirn. Ende in dit selve lant voirscr. is een molen werf die vijtgegeven is te poirt recht om vijf ende viertich scellingen achte penningen tsiairs hollants comans paijments. Dair Heijnrics deel voirsc. of aen loopt acht ende twintich scellingen vier penningen tsiairs. Iten noch heeft Danel voirscr. vercoft Heijnric voirn. dat rechte achtendeel van enen camp lands van tween morgen, gelegen binnen der vriheit van Leiden, mit alsulk maet alst dair gelegen is. Ende heeft beleghen an die een zide Sinte Katrinen gasthuus ende an die ander zide die Nuwe vest, streckende van der straet after an tsgasthuus lant. Ende Danel voirscr. ende Jan Wouter zoen loveden mit gesamender hant ende elc voir al HeijnricHeijnrix zoen dit voirscr. lant te waren, iair ende dach alse recht is als men een vrij eijgen erve sculdich is te waren. Ende (Danel) voirscr. lovede Jan Woutersz. voirn. hier of scadeloes te houden. Voirt gelide him Danel voirscr. hier of voldaen ende betailt, den lesten penninc mitten eersten. In oirkonden desen brief bezegelt mit onsen segelen. Int iair ons heren dusent vier hondert ende dertich opten sevendach in aprille.

Nr. 51 folio 26v. d.d. 04-11-1434.
Enen brief van tlant binnen der stede vest.
Wi Aelwijn Dirc Nuweveensz. ende Jan Jan Eversz.z. scepenen in Leijden oirkonden dat voir ons quam Danel Pieter Butewechsz. ende geliede dat hi vercoft heeft Heijnric Heijnrixz. dat achtendeel van twee morgen lants gelegen binnen die vriheijt van Leijden bij die Nuwe poort ende leijt gemeen mit Heijnric voirscr., IJsbrant van der Laen ende mit Machtelt Segers. Ende heeft belegen an die een side Sinte Katherinen gasthuijs ende an die ander side die stede vest, streckende vander straet tot ander stede vest. Ende Danel voirscr. lovede Heijnric Heijnrixz. voirscr. dat achtendeel van desen twien morgen lants voirscr. te waren iair ende dach alse recht is alsmen vri lant ende erf sculdich is te waren. Ende Danel voirsz. liede him hier of voldaen ende betaelt, den lesten penninc mitten eersten. In oirkonde desen brie bezegelt mit onsen zegelen. Int jair ons heren duijsent vierhondert vier ende dertich opten vierden dach in novembri.

Heeft u aanvullingen, correcties of vragen met betrekking tot Danel Pietersz Butewech?
De auteur van deze publicatie hoort het graag van u!

Tijdbalk Danel Pietersz Butewech

Klik op de namen voor meer informatie. Gebruikte symbolen:  grootouders    ouders    broers/zussen    kinderen