Zij heeft/had een relatie met Evert Jan Rutten Cluijtmans.
Kind(eren):
Inventaris 112 jaar 1627 folio 182 Rut Evert Jan Rutten Cluijtmans, Hendrick Willem Hendrik, Jan Eemonts als man ende momboir van Jenneken zijnder huijsvrouwe, Goijaert Jacops van de Velde als man ende momboir van Cathalijn zijn huijsvrouwe, soo voir hem zelve als hem mede fort ende sterck maeckende voir Arien Peter Wijnen? als man ende momboir van Mariken sijn huijsvrouwe alle dochtere ende kijnderen wijlen Evert Jan Rutten Cluijtmans en wijlen Mariken zijn huijsvrouw. Hebben vercooft aen Willem zoene Evert Cluijtmans hennen halven broeder de helfte van eenen camp hoeijlandts, gelegen ter plaetse Bos ende Vaerhout, omtrent Liemder hecken, waervan de andere helcht is competerende des voirschreven cooper. Vercooper aengecomen ende aenverstorven van wijlen henne audere zoo zij verclaerde.
Inventaris 109 folio 74 jaar 1613 Rutgher soene Everarts Janssen Cluijtmans, Goijart Jacopssen als man ende mombair van Catharina sijn huijsvrouwe, Hanrick Jan Emonts als man ende mombair van Maris sijn huijsvrouwe, alle kijnderen ende erffgenaemen van Everaert Jan Rutten voirschreven vande selve ende wijlen Mariken sijnder huijsvrouwe dochter wijlen Hanrick Janssen van Rullen tsamen verweckt. Ende die voirschreven Everart Jan Rutten als mombair vande onmundighe kijnderen Peter genaempt soene wijlen Jan Everaertssen. Hebben gesamenderhandt vercooft aen Jannen soene Hanrick Janssen van Rulle, al het gedeelte deselve compteterende in een stuck lants genoempt Den Berch, gelegen in die prochie van Sint Oeden Roede aent Deerde. De vercooperen aengecomen van wijlen Heesken dochter wijlen Hanrick Janssen van Rulle henne vercoopere voirschreven grootmoeder
Inventaris 110 jaar 1614 folio 61 Rutger soene Everart Jan Cluijtmans, Hanrick Willem Hanricxssen als man ende mombair van Johanna sijn huijsvrouwe ende Adriaen Peter Adriaenssen als man ende mombair van Marike sijnder huijsvrouwe ende die selve voir hem selve als mede hem fort ende sterck maeckende voir Goijart Jacopssen vande Velde man ende mombair van Catharina sijn huijsvrouwe. Te samen wittighe kijnderen ende erffgenamen Everart Jan Cluijtmans voirschreven verweckt bij wijlen Mariken sijnder huijsvrouwe dochtere wijlen Hanrick Janssen van de Duijn? Ende die voirschreven Everart voir sijn tochte mede fort ende sterck maeckende als mombair vande onmundighe kijnder van wijlen Jannen sijn soen verweckt bij Anna Peter Deonijssen. Ende hebben in die qualiteit vercoft Jenneken dochter wijlen Jans Diricxssen naergelaeten weduwe wijlen Jans Lauvrijns Gientghiens? haeren wittigen man voirschreven haer tot haere tochten ende Jannen haeren soen bijden voirnoempde Jannen Lauvriensen haeren man saligher verweckt ten erfrechte. Een stucxken lants geheijten Martens acker, gelegen aent Deerde. Ende den selve aengecomen ende aenverstorven van wijlen Everaerden ende wijlen Mariken henne auders voirschreven.