De kerkenrekeningen van Neede uit de jaren 1592-1601.
Excerpt van de kerkenrekeningen van Neede betreffende van Belo 1592-1601
1592. [342a] Noch untfangenn ahm gelde im jare anno 1592 darna als die rechenschup gescheitt wass:
Item vann juncker Diderich van Belo untfangenn na luth oder inholdende twier handtschrifften, die eine van twintich riderguldens, denn rider van 24 st., die ander handtschrifft vann 24 goltguldens, den gulden van 32 st., thosamen gerekentt 45, viff unnd viertich daler ad 30 st. denn daler.
In biwesen Jorrienn van Belo, her Herman, die koster, na luth der quitantien so wij hem gegeven hebben van dese, 45 daler.
Hefft Belo twe daler inne geholden umme ein supplicatione ahn heren tho schriven wegenn der kerckenn.
1594. [342f-v] Untfanck geltrenthen verschennen der kercken tho Neden up Martini anno 1594:
Item van Johan Hueten sin gardenhuer: 32 st.
Item van Jorrien van Belo sin gardenhuer: 35 st.
Item noch van Jorrien van Belo sin hantgeldt, herkommende van Gerdinck in den Kulssdom: 1 daler.
1596. Undtfangh von gelttrente der kercken up Martini anno 1596 verschennen: .
Item vann Jorrien van Belo 1 daler van handtgeldt und van sinen garden 39 st.
1598. Undtfanck geltrenten de anno 1598 verschennen der kercken Neden up Martini:
Item van Jorrien van Belo van sinen garden: 35 st. Noch van Jorrien van sin handtgelde: 1 daler.
1600. Uthgave vann geltrente de kercken Neden de anno 1600:
Item up avent Martini den koster tho smer vor die klockenn gedaen: 8 st.
Item up aventt Martini, als die kerssen gemakett wordenn, vertertt: 19 st.
Item juncker Diderich vann Belo sande einen badenn nahe Munster leth ahnmeldinge geschenn ahn den cantzeler, den baden to lone 1 daler.
1592-1601. Angaende dese cedule van den torn tho ridenn unnd steinmesselers, und den smitt, iss hett eine tegens den anderen aff- unnd doeth gereckentt. Bliff die kercke die kerckmeister schuldich: 43 daler 10 st. Hirup hefft die kercke betaltt 20 daler.
Diese vorss. Rechenschup iss gescheitt up fridagh na Jacobi in biwesen der edlenn unnd ernvesten Diderich und Frans vann Belo, vader und sonne, und Raven Gevekothe, als itziger titt [342H] ahnwesende unnd ...rende dess kersspels Nede, in biwesen [...] mehr erffgenamen und hussluden und dess vagts. Unnd iss affgescheit datt men hir van eine copei laten schriven sall up kosten der kercken und den adell mett underschrifte der kerckmeisteren aver andtworden.
Understont:
Diderich van Belo
Rave Geve Kote
Frans van Belo
Gerhartt Kottinck von Ahuss, vulmechtiger hern Johans Remen, pastorn tho Nede Hermannus Helmichs, vice-pastor et vicarius in Nede
Rutger Kock
Dit iss dess vogts marck
Berent Hoeten, Arent Hoeten
Herman tho Hoente, coster
...rude Hoetenn.
Dass diese copia mith den principall rechenschafft der Nedenschen kirchen uffkumpsten unnd renten van den jair 1592 bess zum jair 1601 van entfanck unnd aussgabe van wordt zu worden accorderende befeinden worden beheuge ich Gerhardt van Wullen, notarius, mit dieser mine egen handt.
Schrijver: Bennie te Vaarwerk