Stamboom Oving » Wemele THEDEMA (1460-> 1515)

Persoonlijke gegevens Wemele THEDEMA 

• Zij is geboren berekend rond 1460.
• Zij is overleden na 1515.

  Huisarchief Farmsum, inv 699, reg. 185, origineel cartago.nl:
  1481
  
  Wy borgemesteren ende Raed in groningen betugen myt dessen openen breve dattet echscap ende hilick tusschen Gheert Wychering ende Wemelen Johan
  Tedema dochter is gededinget geramet ende besloten in manieren ende hilix vorwerden hiir na bescreven. Inden eersten so ghyfft meyster Johan
  Wichering by consente Bertoldes ende Rolove sine zoens Gheerden vorgen. voer ene affscheidinge van syns moders guede ende in verbeteringe
  syns bodels mede to bodele inden eersten achteyn grasen landes to Suetwolde gelegen in eenre venne van vierende
  twintich grasen daer Herman
  Ghysens mede in gelandet is. Item, bet derteyn grase landes inde wester hemmeric gelegen daer der zustere Prick by licht an dat oester
  eynde streckende mytten wester eynde an dat Reytdiep. Item, bet vyff grase landes by Beynewert gelegen de Henric Vryling de knoken
  houwer nu brukende is. Item, een huus in Botteringe strate daer Henric Vrijling vorgen. ende Ymme syn huusfrouwe nu ter tyt ynne woenen.
  Item, bet derdehalff franxschilt erffliker renten uut Philippus huus van Geldrorp. Item, bet vier rinssche gulden rente uut de Wytbang. Item
  derdehalff rinssche gulden rente ende vier gulden rente soventeyn butkens voer elken gulden gerekent offte payment dat daer guet voer is uut
  Gerryt Knokenhouwers huus in Botteringestrate. Item ander halff franxschilt ende een kanne wijns uut Alijt Bayens huus. Item, bet een
  ende dertich gulden rente teyn onsen stad vlegers voer datum desbreves gemuntet offte payment dat daer guet voer is voer elken gulden gerekent
  jaerlix erffliken to boren alze stad recht is uut Robben huus mytter hofsteden inde Ghulden strate gelegen ende uut der tasschen daer by gelegen
  ende den kelder waer Geert vorscr. offte sine erffgenamen jaerlix des best genoget Ende desse vorscr. rente uut Robben huus salmen tot allen tyden
  mogen weder aff lossen alzet belopet myt hundert gulden ses gulden rente toe lossen vorscr. payments desse guede ren vorscr. sullen vry wesen van
  allen anderen renten dat Lamme van Oudewater, meyster Johans vorscr. dochter so mede believet ende to steet soe dat sie oere kinderen noch oere
  erffgenamen moch nemant van oere wegen tot genen tyden ansprake en sullen hebben noch beholden up desse guederen vorscr. daer Lamme vorscr.
  so voer lovet to staende voer oer ende oere erffgenamen ende van wegen oere kinderen. Item, sodane pacht guederen als meyster Johan vorscr. nu ter tyt
  hefft sullen komen ende erven up sine rechte erffgenamen Ende als meyster Johan vorscr. niet en is, sal Geert vorscr. desse vorgen. guederen weder
  inbrengenm offte de weerde daer van ende deelen dan de alinge guedere syns vaders ende moders mytten pacht guederen myt sinen broders
  gelike so to verstaen dat sine broders sullen oeck dan weder in brengen dat sie ontfangen hebben, voert salt gaen anders na stad rechte. Hiir
  en tegens so geven Johan Tedema ende Griete syn huusfrouwe to bodele Wemelen oere dochter desse guederen in maneren nabeschreven. Als
  inden eersten ene sate landes van vierendetsestich grasen landes myt oeren tobehoren so als oer meyer dat inder hure hefft to Sauwert Beholden daer aff Roloff de Mepsche dat merendiel van deesen guede vorscr. Item bet ses grasen landes inde oester hemmeric byden Hogen wall
  gelegen daer Roloff Mepsche vorscr. naest by gelandet is myt ses grasen onverscheiden daer dar convent vander Munte naest bu gelandet up de norder zyd. Item bet drie grase
  up de norder zyd. Item bet drie grase landes als de gelegen sint in de wester hemmeric inder geestlike mageden land dat nu Henric Wesseling
  inder hure hefft up de norder zyd van Reyner Jarges tichelwarc. Item, een stucke thuen landes mytten huuse dat daer uppe steet gelegen tusschen
  Botteringe ende Ebdinge poerten daer Gosen van Dulk naest by gelandet is up de norder zyd ende Beneken hoff up de zuuder zyd. Item, bet ander
  halff franxschilt rente uut Bruen Hopenbynders huus in Botteringe strate. Item, bet vyf oert van enen franxschen schilt rente uut Jacob Lubbers
  erve int Yat gelegen up de norder zyd by Haye Rutershuus. Item, bet drie oert van enen franxschen schilt rente uut Gosen Slotemakers huus
  in Botteringe strate. Item, derteyn arnemsen gulden rente uut Geert van Auricks woninge by Ebdinge poerte. Item, vyff gulden rente uut Garmen Reynkens
  lutke huus in Ebdingestrate. Desse vorscr. guederen sullen vry wesen van allen renten. Ende hiir to so geven Johan ende Griete vorgen. Wemelen oere
  dochter derdehalffhundert arnemsen gulden in reden gelde. Des so sint oeck hilix vorwerden ist sake dat Johan offte Griete vorscr. storven ende
  gene zoene achter en leten so mach Wemele weder inbrengen dat sie ontfangen hefft offte de weerde daer van ende gaen dan myt oer zusters
  tot geliker scheidinge offte yd oer genoget. Ende en wyl sie niet weder in brengen als vorscr. is so mach sie de vorscr. guederen beholden voer oer
  diel der erffnissen ende en sal dan gene meer ansprake hebben up de erffnissen oere olderen vorscr. Meer Johan offte Griete vorscr. wel van
  em beyden langest levet sal de alinge guederen machtich wesen oeren vryen wyllen mede to done so lange als de laeste van em beyden levet
  Ende daer na sullen de zusters gelike in brengen dat sie ontfangen hebben ende scheiden dan de erffnissen gelike. Oeck sint hilixvorwerden weert
  sake dat Wemele vorscr. storve sunder wytlike geboert so sullen alle Wemelens nagelaten guederen weder up Johan ende Grieten vorscr. komen
  ende erven offte up een van em beyden de dan levede inder tyt sunder argelist. Dat orkonde wy myt onsen stad zegel. Ghegeven inden jaer ons
  heren dusent vierhundert eenendetachtentich des dages na der hilliger drier koninge dach. Doe Gosen van Dulk, Johan Tedema, Johan
  Koenrades ende Gharmet Allema borgermestere waeren onser stadt.
  DORSO : Johan Tedema.
  ??

• Een kind van Johan THEDEMA en Griete / Grete NN
• Deze gegevens zijn voor het laatst bijgewerkt op 19 augustus 2023.

Gezin van Wemele THEDEMA

Zij is getrouwd met Gherardus WICHERINGE.

Zij zijn getrouwd in het jaar 1481, zij was toen 21 jaar oud.

Kind(eren):

1. Johanna WICHERINGE  1505-???? 
2. Helena / Hille WICHERINGE   
3. Sweder WICHERINGE  
4. Grete WICHERINGE  

Heeft u aanvullingen, correcties of vragen met betrekking tot Wemele THEDEMA?
De auteur van deze publicatie hoort het graag van u!

Tijdbalk Wemele THEDEMA

Klik op de namen voor meer informatie. Gebruikte symbolen:  grootouders    ouders    broers/zussen    kinderen