Stamboom Oving » Barthold ENTENS (????-1547)

Persoonlijke gegevens Barthold ENTENS 

• Beroep: Hoofdeling tot Middelstum 1535.
• Hij is overleden in het jaar 1547.

  Wy Johannes Wynschotten der rechten doctor ende der fre scher landen des stiftes van Munster Officiael ende in den Damme pastoir do kundt unde certificeere myt desen openen certificatie ende gherichtes schyn dat vor my yss ersche nen de Erafftighen unde walghelerde
  her mester Everardt Oelbeck nu ter tyt prebendait ofte vicarius to Bedum als eyn tughe gherechtliken van uns dair tho requireert ende gheciteert dorch instantie ende ver soick dem Erentfesten Erbaeren ende fromen junckeren Christophor van Ewsum als uuth den
  name ende van weghen syns broders Wigboldt van Ewsum om (ad perpetuam rei memoriam) eyn ghetuichnisse der waerheyt tsegghen van allet tghene he weet, ghessen ende ghehort heft van sodannen ende sekere articulen ende positien by den erghe
  melten junckher overgheven. Waer up mester Evert vorscre ven presterlyke wyse myt nehoirliken ede liffliken by den hilghen Evangelio ghestavedes edes ghesworen hefft ghede ponert ende ghetughet op seker positien in maneere soe hyr folghet: Inden
  ersten de deposant olt umbtrent de vertich jaeren deponert ende secht up den ersten artikell ofte positie hem kundich toe wesen ende ys de waerheyt dat up dinxdaghe na Jacobi verleden anno MDXLVII de Erbaere mester Lwardt
  Grevinck tot Bedum vor eynen pastor ys ingheleydet. Alwaer Wigboltd van Ewsum den junghesten broeder als eyn mede collatoir der selvester kerken mede was. Op den anderen ende derden positien deponeert ende secht
  de deposant tselve van ander lueden voele ghehoirt toe hebben we dat Bartholt Entenss eyner gheheten Mester Hinrick Boesegghe vor eynen schelme, pockyghe hundt ende moytemaker gheschulden hadden ende wulde hem doyrste-
  ken. Sulde vort toe Boesegghen ghesacht hebben: "Ick werde dy up den negesten richtdach wal vynden." waerdorch Boe segghe Ewsum hastelyken naeghelopen om sych des toe by claghen ende solde Ewsum also ilende ofte
  haestich over dat kerckhoff nae ghelopen hebben om hem soe toebekommen. Ende derhalven was Ewsum wederom ghereden om Bartholt Entens antespreken. Op den verden ende viften positien de deposant deponert
  ende secht hem kundich toe wesen soe als Bartholt Entens ter erden gheslaghen was, dat doe Ewsum nicht noch nemant van synen deneren nae hem hebben ghehouwen, noch gheste ken, noch oick behindert hem op-
  te nemmen. Dat dit de deposant sekerlyken weet, heeft de deposant selvest Bartholtd Entens opghenomen ende he hem mit Peter Bartholt Entens eighen dener hefft helpen in draghen ofte leyden ende hem vort verbunden.
  Secht oick de deposant, dat Meynoltd Omptada syn sweert uuth hadde ende op syn arm ghelecht ende sus was hem daer anders nicht van kundich. Opden sesten ende sovenden articulen deponert ende secht depo-
  sant hem kundich toe wesen ende hefftet selvest ghehort: Als Bartholt Entens sus ghewundet tho bedde lach dat Peter Entens, Bartholt Entens broder, tot hem vor syn bedde qwam ende sede tot hem: "Ochoch
  broeder, ick hebbe jow dit wal soe vake ghesacht dat het eyn boese eynde nemen solde". Weet oick vort de deposant sekerlyken ende heftet tselve selvest van Bartholt Entens ghehoirt dat Bartoltd
  Entens in syner krancte Ewsum ontschuldighet ende hem uuth groinde syns herten vergaff allent dat Ewsum an hem mis daen muchte hebben, mit daer by segghende: "Pater, pater, ignosce quia nesciunt quod faciunt."
  ende dat dat selve waer ys, secht de deposant int ende by hem ghewest thebben ende hefft hem syn oeghen ghesloten. Hyr mede de deposant syn tuichnisse besloeten, dewelke alsoe presterlyke wyse als voeren
  vor ons besworen. In kennisse der waerheyt soe hebben wy Officiaell ende pastoir vorgherort (ad perpetuam rei memoriam) unses amptes seghell wytliken an desen ghericht schyn ghehanghen ende van
  onsen notario onderghetekent. Actum in Dammona anno domini Millesimo quingentesimo quadragesimo septimo vicesimo sexto mensis Septembris.
  Actum in facie mei ..................
  notarii publici venerabilis domini officialis ......
  Quod prefatis ego notarius manu mea propria ...

• Een kind van Meye / Meyo ENTENS en Agnes van UTERWYCK
• Deze gegevens zijn voor het laatst bijgewerkt op 19 augustus 2023.

Gezin van Barthold ENTENS

(1) Hij had een relatie met Nn BALLEN.

Kind(eren):

1. Wilko ENTENS  
2. Hilbrand ENTENS  

Kind(eren):

1. Barthold ENTENS  1539-1580

Heeft u aanvullingen, correcties of vragen met betrekking tot Barthold ENTENS?
De auteur van deze publicatie hoort het graag van u!