Stamboom Oving » Jutte van ISENDOORN (????-1396)

Persoonlijke gegevens Jutte van ISENDOORN 

• Zij is overleden in het jaar 1396.

  Transcripties Heerlijkheid IJzendoorn
  
  1396 AUGUSTUS 29
  
  Ic Walter heer tot Ysendoeren Rydder Bekenne myt desen openen bryeue voir my ende mynen eruen dat ick belieft heb ende bekene ouermyds desen openen bryeue ym gods wil ende mynre zielen wyl ende ym mynre lieuer moeder wil Arnt van Keppel vrouwe van Ysendoeren ende myns broeders Otten van Ysendoeren huere beyden zielen zelyger gedachten alsulke ghift make ende opdracht ende testament als sy gegeuen hebben ende gemaect Daer myn lieue broederen Rolof van Ysendoeren proest tot Synte Peter Tutrecht ende Alert van Ysendoeren auer ende aen syn geweest nae inhalt der bryeue daer van beheltelyck my ende myn eruen zullyke twijntich merghen lands geheyten de Hoeuen gelegen inden kyrspel van Ysendoeren die Otten mynen brueder zelyger gedachten te wesen plegen Als aen tween delen gegeuen ende gemaect is Otten mijns brueder natuerlike kijnder van mij ende van myn erfgenamen te leen te halden Ende soe die kynder van tween moederen sijn Soe sal een ygelijck op malkanderen eruen die een moeder te samen gehadt hebben Ende storuen sy sonder geboert soe salt wedercomen aen ons here tot Ysendoeren ende onsen rechten eruen Voert zulke erue als mijn moeder voergs. gegeuen heeft vrouwe Jutten huerre dochter van Rutenberch nae inhalt eens rijchters brief sal men van my oeck te leen halden ende van mynen eruen Ende voert alsulken hoffstat als mijn lyeue moeder zelyger gedachten gegeue heeft mijnre zuster Mabelij vander vander [sic] Lauwyck Soe beken ick dat ick huer die verlyt heb ende verlye om enen hollenschen tsyaers Te betalen alle yaer op Synte Martens dach Daer myn moeder zelyger gedachten in te wonen plach alsoe lange als sy leuet ende nyet langer Ende als sy nyet en is soe sal sy weder comen aen my ende mijnen rechten eruen Voert alsulke ghyft ende makynge als myn lyeue moeder ende broeder voirg. gegeuen ende gemaect hebben onser kapellen ende kyrken tot Ysendoeren nae inhalt der bryeue Daer om ken ick die voer mij ende mynen eruen van weerden te sijn ende willen dat volcomeliken gehalden hebben Ende want myn lyeue soen heren Wyllem van Ysendoeren te hans nyet bynnen lands en is Soe heb ick gebeden myne lyeuen bruederen Rolof van Ysendoeren proest toe Synte Peter Tutrecht ende Alert van Ysendoeren desen bryef myt my tot enen getuijch der wayrheit te segelen Dat wy Rolof van Ysendoeren proest toe Synte Peter Tutrecht ende Alert van Ysendoeren om beden wijl ons lyuen broeders heren Walters gheern gedaen hebben Gegeuen int jaer ons heren dusent dryehondert sess ende tnegentich op Synte Johans dach decollationis

• Een kind van Willem van ISENDOORN en Arnolda van KEPPEL
• Deze gegevens zijn voor het laatst bijgewerkt op 19 augustus 2023.

Gezin van Jutte van ISENDOORN

Zij heeft/had een relatie met Steven 2 van den RUTENBERG.

Kind(eren):

1. Egbert Hake van den RUTENBERG  ????-1422 
2. Roelof van den RUTENBERG  ????-1426 

Heeft u aanvullingen, correcties of vragen met betrekking tot Jutte van ISENDOORN?
De auteur van deze publicatie hoort het graag van u!