Friese koerier : onafhankel?k dagblad voor Friesland en aangrenzende gebieden
19-08-1959
Gauster Doarpsstimme: 2017
In leafdefolle neitins oan Tine Dotinga
n nije dei is oanbrutsen as Tine op 12 augustus 1959 op de wrâld komt as
suske fan Sipke en earste dochter fan Bertus en Griet. Yn de begjinjierren
wiene Tine en ik in soad tegearre om sels ús wei te finen en de wrâld te
ûntdekken. As earste gie ik fansels nei skoalle ta en koe dat gefoel en de
belibbenis wer trochjaan oan Tine. Faak hân yn hân mei de buorfamkes en
jongens nei skoalle ta, want we wiene stjerrendebenaud foar de hûn fan Eize
en Joukje Kuipers.
Wy wennen op in buorkerij, no Boeijengastrjitte 5, en dêr wie altyd wurk, dat
wy stiene mei moai waar faaks yn in túchje oan it tsjoar yn de bleek. We wiene
beide sljocht mei bisten en doe’t ik in geit krige, hat Tine in hûn hân. Letter hat
se noch ien hân, dy’t se sels op de fyts út Snits helle hat, mar dat bistke wie
nochal wat grutter as it kuorke efterop sadat se it hiele ein rinne moast.
Tine hat nei de ‘spinazy-akadamy’ west en is dêrnei trochgien foar in oplieding
ta gesinshelp yn Ljouwert. De stapperstiid kundiget him oan en hja is faak
oeral en nergens te finen wêr’t it gesellich is. Op tiid thús wêze slagge foar ús
net altyd, mar we waarden betûft genôch om inoar te warskôgjen as de wale
op it finsterrútsje yn de foardoar siet… Fêste ferkearing wie foar Tine net oan
de oarder, mar as de lytse poppe Grietje berne wurdt, moatte hja tegearre
harren paad fine. Earst thús ha we mei syn allen harren opfongen en bystien,
letter giene se nei tante Betsy har hûs.
Heit hat yn de jierren 70 de komelkerij fan ‘e hân dien, doe’t de ruilverkaveling
oan de oarder kaam. Hy kaam te wurkjen by de Opbouw, wurkje oan diken en
fearten. Grutsk wurke ik mei heit oan it feest dat harren 25-jierrig houliksfeest
wurde moast, doe’t dit wreed en onbegrypelik fersteurd waard troch it
ferstjerren fan heit nei it slimme ûngemak by Wiuwert. Mem kaam der
trochhinne te sitten: Auckje lei noch as poppe yn de widze, Grietsje noch mar
krapoan 3 jier en dêr sieten we mei syn allen om dochs troch te moatten. Tine
hat der mei de gesinshulp in soad foar soarge dat elkenien syn plakje fine koe.
Letter hat hja ek altyd de ferbinende faktor yn de famylje west om ûnderling
saken út te praten en se hat mem leafdefol fersoarge, sadat dy lang op harsels
wenjen bliuwe koe. Yn Willem fûn se in nije partner en se binne yn 1991
troud. Op 3 oktober fan dat jier waard Bertine berne. Hoe’t se it allegearre
opklaud hat, bliuwt ús somtiden folslein ûndúdlik. Seachst har wit-hoe-faak
wer op de fyts nei Snits gean om de fytstassen fol mei boadskippen te goaien.
Se hat yn ’t lêste jier wolris sein dat se mear fan ’t libben genietsje moatten
I
In leafdefolle neitins oan Tine Dotinga 31
hie as altyd en ivich mar oan ’t wurk te wêzen. Feestjes hat se wol genôch hân
by optredens fan de Kast en ek wol by de Oranjefeesten.
Lytse bern wurde grut en hja wurdt yn oktober 2004 foar de earste kear
Beppe. Yn 2008 krijt Jelmer in suske, Doutzen en wat is se dêr wiis mei!!! As
Bertine dan ek in jonkje, Ivan, krijt op 3 september fan dit jier, sil dit de lêste
wêze, dêr’t se tsjûge fan wêze mei. In slimme sykte spilet har sûnt september
2010 parten, doe’t se de útslach krige dat se in melanoom hie. Likegoed bleau
se sterk en oan ’t wurk. De Potten, Jan Thijs en Moniek, Ben en Paulien, Peter
en Selma, frou Stöckel, oppasse by Grietje of oaren, Koosje en de leafdefolle
fersoarging fan mem wiene foar har útlaatkleppen om mei minsken yn de
kunde te kommen en harren te helpen. Altyd seachst se fleanen op har
blauwe fytske, oant ds Jur Majoor der foar soarge dat se in elektryske fyts
krige. Yn tankberens hat se him goed brûkt en se koe no noch rapper fan ’t
iene nei de oare kant. Dan binne der ek noch de protte besykjes mei Koosje
nei mem yn Wommels. Mei har ûnôfskiedlik kuorke fol boadskipkes hawwe se
middeis lang by mem west. Wat yn de famylje net bekend wie, mar ofrûne
tongersdei pas dúdlik waard, wie dat hja oan de ein fan de besite altyd in
advokaatsje mei giele vla en slagreamme namen!!? Noch alles heljend út de
tiid hat Tine mei Koosje en Elbrich nei de Anne Frank Musical west en yn
september 2016 stapte se mei Koosje op de boat nei Skylge. Op tiisdei
7novimber, 5 dagen foar har ferstjerren, hat se yn ’t bywêzen fan bern en
bernsbern mei de ‘wensambulance’ nei Texel west. It wie in wichtig ôfskie mei
skitterjend waar. Bliid en och sa tankber wie Tine jimme foar alle kaarten en
sa, dat hat har goed dien en se sei: “Ik bin bliid dat de minsken my net ferjitten
binne.” De lytse dinkjes dy’t o sa kostber binne, mar Tine ferjit net: Der sil gjin
dei begjinne, dat wy net by dy binne!
De getoonde gegevens hebben geen bronnen.