Stamboom Gob » Henry SAMPSON

Persoonlijke gegevens Henry SAMPSON 

Gezin van Henry SAMPSON

Hij is getrouwd met Agnès POTESTA.Bron 2

Ces cinq enfants sont nommés dans le "status animarum" de Bois-et-Borsu de mars 1678.

Vue 50.

http://search.arch.be/fr/rechercher-des-archives/resultats/inventaris/rabscan/eadid/BE-A0523_714102_714458_FRE/inventarisnr/I714102714458559/level/file/scan-index/50/foto/522_1003_000_00114_000_0_0092

Zij zijn getrouwd

Kind(eren):

1. Bernard SAMPSON  
2. Baulduin SAMPSON  1661-????
3. Henri SAMPSON  
4. Pierre SAMPSON  
5. Jaspar SAMPSON  

Notities over Henry SAMPSON

Echevinages d’Havelange, Causes 1682-1698, n° 4532, AEN – 5 novembre 1685)

(fol.179r)[Plaids du 5 novembre 1685] Le sieur Henry Sampson, marit a la damoiselle Agnes de Potesta, gendre et enffant de feu le sieur Jaspar de Potestat et de feu la damoiselle Catharinne Sarter, conioincts. Seront adiourne au premier iour juridicque post sanctorum festa, le sieur Mathyas de Vierset et la damoiselle Dorothee de Potesta sa compagne, gendre et enffant comme dessus, pour sants tous preiudice, et attendus que pour les convennances de mariage realizee aux sieurs eschevins de Liege le 17 de maye 1651 faictes par les susdits Jaspar et Catharinne, conioincts, a feu damoiselle Marguaritte de Potesta, leurs fille, sœur et belle sœur respectivement aux adiournants et adiournes, et attendus qu’en preiudice de la clauses et promesse d’ eguallitté inserees esdittes convennances a la faveur de tous les enffants, laditte Catharine se treuve avoir laisse suivre a laditte Dorothee, sa fille, exclusivement a ses aultres freres et sœurs, quantité de somme d’argent, tan par act donateur qu’autrement, de constraindre les adiournes a les apporter en septaine et donner la compettence desdittes sommes aux adiournants, avec tous interests en dependant depuis la morte de laditte Catharine, ensemble les obliger par expurgation de seriment a donner speciffication pertinnente de tous meubles tan en or qu’en argent non monnoies, et finallement tout ce que laditte damoiselle Sarter peult avoir donné particullierement a la souvent ditte Dorothee, sinon et en faulte de ce les venir rendre banny di[…] et proposer et protester ulterieurement a tous dommages et interests sustenus et a sustenir....

(Echevinages de Boffeux,Transports, n° 929 - 1670-1681, AEN – 3 janvier 1676)

(volume non paginé) L’an mille six centz septante six du mois de janvier, le troisieme jour, pardevant nous, la haulte court et justice de la terre de Boffeux, mayeur Pasquay Delree, eschevins Hauveligoulle, Pirard Sampson et Du Chesne.

La mesme, personnellement constituez André Grolle, notre sergeant, si que porteur et mandataire de l’act et instrument cyembas inserez, passé et operé le vingtiesme de xbre an 1675 pardevant la haulte court et justice de Maffve et Odet, touchant l’eschange et contreschange faitte entre Jacques de Bassinne, demeurant a Mean, et de Henry Sampson, demeurant a Borsut, lequel nous at requis, ensuytte et en vertu de la clause generalle sur tous porteurs, de voulloir icelluy realizer et emologuer en cestditte court, pour sortir ses plains et enthiers effects, selon sa forme et teneur, laquele sensuytte de mot a aultre et est telle.

Cejourdhuy vingtiesme xbre mille six cent septante cincq, pardevant nous, la haulte court de Mafve et Odet en Condroz, mayeur pour Hankart Louy Hottay, eschevins Henry Samspon et Gille Delvaux, pardevant nous sont personnellement en propre personnes premier Jacques de Bassinne, demeurant a Mean, et du second costé Henry Sampson, demeurant à Borsut. Lequeldit de Bassinne a testé si deliberé que de changer avecq ledit Henry trois journals de bois scituez en la haulteur de Sommalle, joindant du costé d’Ardenne a Bertholomey de Sommalle et aux heritiers Quaresme, veoir ung petit chemin entredeux qui faict separation ; damont et daval au seigneur de Sommalle ; et du quattriesme costé a Dieudonné de Bois ou ses hoirs. Si quittat ledit de Bassinne en faveur dudit Sampson, present acceptant, l’embaudissant libres de touttes charges et rentes, avecq promesses de le faire suyvre telle que pour arrivant faulte ou molestation revenir a la generalite de ses biens et meubles, quil at la mesme remporte ens mains de nostre substitué mayeur, par un seul adjour de quinzainne, en quels lieux et juridiction ilz soyent scituez et mouvants.

Item de la parte dudit Henry Sampson apporté pour contreschange, premiere une cornette de terre scitueea la voye qui téent de Borsut a Mean, aussy longue et large quelle se contient, mouvante de la haulteur de Boffeux, joindante damont audit chemin dudit Borsut a Mean ; daval au chemin de Mean a Bois ; et vers Meuse a Bertholomey de Bassinne ou au sieur Du Chesne. Item une aultre piece en Magottalle proche du lieu que l’on dict Au Steffe au Magotalle, contenante environ de cincq quarte, a prendre hors de trois journals ou environ, peu plus peu moings, joindants vers Ardenne au tige dudit Magotalle ; vers Moeuse a la piece que ledit Henry retient hors desdits trois journals ou environ, peu plus peu moings ; daval a Bertholomey de Bassinne ; damont au sieur Beaurieux. Item encore une aultre piece prinse hors d’une plus grande piece, sur le lieu nommé Le Stocq, contenant ung journal, a prendre ledit journal du costé d’Ardenne, hors d’icelle grande piece, comme dict est, joindant vers Moeuse audit Henry ; daval a ung rix damont. Lesquelledites trois pieces ledit Henry les at rapporté pour contreschanges allencontre desdits trois journals de bois ou environ. Si quittat ledit Henry en faveur dudit de Bassinne, present acceptant, les embaudissant libres de touttes charges et rente, avecq promesses le faire suyvre icelles, que pour arrivant faulte et molestation revenir a la generalité de ses biens, quil at la mesme remporté sus ens mains de le substitué mayeur, par adjour de quinzainne ou selon loix...

(Echevinages d’Heure et Moressée, Archives de l’Evêché de Namur, documents épars – 7 avril 1672)

Ceiourdhuy vingt septieme avril mil six cents septante ungs, pardevant nous, maieur et eschevins de la haulte courte et justice d’Heur et Moressee au duchez de Luxembourgs, comparurent personnellement honorable Jean de Fays, demeurant a Romsee, sy que marit de damoiselle Catherine Ponsin, d’une parte, et Henry Sampson d’aultre parte.

La endroits, ledit de Fays at receu dudit Henry Sampson, en notre presence, les denier de la mittant parte de douze florins demy Brabant de rente roy transporte pardevant nous par Marie Renchar au proffit de ladit Catherine Ponsin, que luy paie presentement Pierard Sampson sur ses biens de Moressee, rendant par ledit Fais la vestur audit Sampson de la mittant parte desdits douze florins demy roy, s’obligeant par ledit Fais le faire scavoir audit Sampson, avec pouvoir le realizer pardevant tout courte ou besoin sera, et mis en guard.

[en addendum : presents comme tesmoins Ernest Sarta et thier subsigne]

[signé] Francoy Sarta, present audit accorde a redemption ; Jan Defay ; Ernest Sarta

Heeft u aanvullingen, correcties of vragen met betrekking tot Henry SAMPSON?
De auteur van deze publicatie hoort het graag van u!