Hij is getrouwd met Josijna Jan Sloetmaeckers.
Zij zijn getrouwd.
Kind(eren):
Rijksarchief Den Bosch, Archief van de Kommanderij GEMERT, d.d. 15-07-1522: "Wij GERARDT van STRIJTHAEGEN Lantcommandeur der BALLIJEN van den BIJSEN DUIJTSCH ORDENE doen condt eeneijegelijck.
Alsoo JAN zoen WIJLNER MATTHIJSSCHEN DIE BERCKER liggende heeft tot DOERNE een Hoeve geheyten DIE CROM AA, die onder ons te leene houdende is ende behoert. In welcke Hoeve met haere toebehoerten zoe hij ons te kennen heeft gegeven, hij JOESTEN wittige dochter JANS SLOETMAKERS, zijn tegenwoerdige echte huysvrouwe gheerne soude tochtigen. Ende dat bij onsen Oirconde, wille, ende consente, daeromme hij ons oetmoedelick heeft gebeden, soe eest dat wij als Lantcommandeur voerschr. geneycht wesende totter beden JANS voerschr., den selven samen hebben geoirlooft, geconsenteert, ende gewilleroert ende mits desen brieven, oirlovende, consenteren ende willeroeren voer ons ende onse naecoemelinge dat hij voer Notarys ende getuygen, ofte voer Schepenen oft voer andere goede mannen, die voorschr. JOESTE zijn echte huysvrouwe, inde voerschr. Hoeve met haere toebehoerten die onder ons ter leene horende is sal moegen tochtigen ende bij de zelve JOESTE zijn huysvrouwe, zoe verre zij hem JANNEN overleeffden, die selve Hoeve met haere toebehoerten haer levene geduerende te moegen besittene te gebruyckene tot haeren oirbaer te regerene, die emolumenten ende proffijten daeraff coemende aen te verdene ende tot haeren wille te beherene, ende in all, daer inne ende mede doen gelijck eenen tochter ofte tochteresse toebehoert. Ontbieden alsoe ende bevelen allen onsen Richteren, Ambachteren, dienaeren ende ondersaeten, ende eeneneygelicken die't aengaen mach, dat zij den voerschr. JANNEN den voerschr. onsen Oirconde, competeren ende willecoeren ende voerts het geen dat hij dien naegaende tot behoeft der voerschr. JOESTEN zijnre huysvrouwen vorderen ende doen sall, altijt doen ende laeten vredelick gebruycken. Ende de selver JOESTEN haer leven geduerende sulcke tochte ende machte als JAN voerschr. haer in ende vanden voerschr. Hoeven ende haere toebehoerten sal geven ende verleenen, laten payselick hebben ende besitten, sonder hem oft enighen van hen, daerinne stoot, letsell, oft hijnder <= hinder> te doen oft laeten geschieden, in allen anderen saecken onse Hoecheyt, Heerlicheyt, ende Rechte, ende dens toirconden soe hebben wij als Lantcommandeur voerschr. onsen zegel hyer aen doen hangen. Gegeven opten vijfthiensten dach der Maendt van Julio int jaer ons Heeren Duyssent vijffhondert twee ende twintich.
Gecolloneert met zijnen originalen brieff behoerlick besegelt ende gemerckt bevonden. Accorderen bij mij JACOP van BERCHE Notaris oipenbaer geadmitteert."
Rijksarchief Den Bosch, Archief van de Kommanderij GEMERT, d.d. 16-08-1522: "Condt ende kenlick zij eenenyegelicken. Alhoe die Eerweerdige Heere Heer GERART van de STRIJTHAGEN Lant Commandeur der BALYEN van den BIESEN DUYTS ORDENEN, voer hem ende zijne naecomelingen, onlancx JANNEN DIE BERCKER MATHIJSSOEN man ende mombaer JOESTHENS zijnre Huisvrouwe dochter JANS SLOETMAECKERS, tot zijnre oetmoediger beden, georloft gewillecoert ende geconsenteert heeft gehadt. Als dat hij voer Notaris ende getuygen, oft voer Schepenen zijn echte huysvrouwe, soude moegen tochtighen in een Hoeve, met haere toebehoerten geheeten DIE CROM AA, onder den voerschr. Lant Commandeur te leen hovende ende behoerende gelege inder Prochie van DOERNE eensdeels ende inder Prochien van BAKEL ende daer omtrent omme bijder selver JOESTKEN zoe verre zijn den voerschr. Hoeve met haere toebehoerten ende gebruyckt alst 'tgeen in zeeckere brieve des Lantcommandeurs voerschr. daer op gemaect breeder begrepen te wesen. Soe is gestaen voer Schepenen onder gestaenen, die voerschr. JAN DIE BERCKER willende in desen gebruycken den orlove, het willecoeren ende tronsent voerschr. ende 'tgeen dat hem inden voerschr. brieve is verleent. Ende heeft vuyt crachte vandien, ende ter bester formen wegen ende manieren dat hij (zoe hij seechden) conste ende mochte die voerschr. JOESTKEN zijn huysvrouwe inde voer-schr. Hoeve met haere toebehoerten getochticht ende heeft voerts gewilt, geordineert ende bevolen oft bijden wille goeden, alsoe geboeiden, dat hij afflijvich worde, ende JOESTKEN zijne huysvrouwe voerschr. ten lijne <= ten leene> bleve, dat dan die selve JOESTKEN die voerscreven Hoeve met haere toebehoerten, haer leven geduerende sal blijven besittene, gebruyckene tot haeren oirbare, ende prouffijte regerende, die proffijten daer aff coemende aen te verden ende die tot haeren wille beheerende. Ende in all daer inne ende mede te moegen doen gelijck eenre tochterssen toebehoerende is, ende haer als tochteresse sal believen sonder ymants wederseggen. Getuygen waer hyer over Schepenen in SHERTOIGENBOSCH JAN van BERKEL, ende GEERLACH DIE ROEVER. Gegeven opten sesthiendesten dach der maendt van Augusto int jaer Ons Heeren Duysent vijfhondert twee ende twintich. Onderteeckent JACOB."
"Gecolloneert met zijn originalen behoirlick besegelt ende gemerckt bevonden bij mij JACOP van BERCHEN Notaris Oipenbaer. Octroije om te moegen testeren over de Leen goederen genant DIE CROM AA gelegen onder DOERNE en BAEKEL van het jaer 1522 16 Augh."
Jan Mathijs de Bercker | ||||||||||||||||||||||||||||||||||
Josijna Jan Sloetmaeckers |
De getoonde gegevens hebben geen bronnen.