Hij is getrouwd met Jannetgen.
Zij zijn getrouwd
1563 ........, rec.136, folio 199 en 199 verso. ( ORAH, copie 15:540/541 )
Vuer Gerrijt mauress ende Brandt van deelen hebben Aeltgen henricks mit Gerrijt
bartss oeren swager ende gecoren momber ende gerrijt bartss vurschreven vuer
hem selven mit jannetgen sijn echte huijsfrou vercost opgedraegen overgegeven
toe guede gescholden ende nae daer op vertegen als recht is Aelt peterss ende
Berndt albertss mit Jacobgen sijn echte huijsfrou oer andeell toe seggen ende
gerechticheijt an een vijftendeel van dat sesthijendendeel opten cleynen ende
groten haex soe dat mit noch een sesthijendendeel Juffer van wijlack toe be-
hoerende to wandell gaet Bedanckende oer daer off gueder vernuginge ende be-
talinge den lesten penninck mitten eersten mede gelovende vuer oer ende oeren
erffgenaemen dat vurschreven andeell to waeren op des heren thijns voert commer
vrij ende alle voercommer off to doen als erffcoeps recht is daer vuer tonder
pande settende oer andeel an twe dachmaeten hoijlandts opten oestermehen in
acht dachmaeten gelegen ende voert alle alsulck guedt als sij hebben off
crijgen moegen alle opspraeck gebreck hinder ende schaede vorder dan vur-
schreven daer op comen mocht hijer an to moegen verhaelen mede overgevende
Aeltgen mit oer momber vurschreven ende gerrijt mit sijn huijsfrou vurschreven
Dat wanneer sij oer andeell ende vurschreven twe dachmaeten hoijlants ver-
huijren off vercoepen willen Aelt Berndt ende sijn huijsfrouwe vurschreven
alsdan de naeste daer to wesen ende hoer de coop vuer een ander daer van gunnen
sullen wanneer sij daer vuer betaelen ende geven willen als andere Oick mede
gelovende vuer oer ende oere erffgenaemen hijer off vorder opdracht ende
vestenisse vuer den drost van veluwen off waer dat sulcks anders behoeren off
van nooden wesen mocht mit hande halm ende monde ende nae aller noetrust altijt
to doen tot aelts Berndts ende sijner huijsfrouwen vurschreven oft oerer
erffgenaemen eersten gesijnne. Actum ut supra.
De getoonde gegevens hebben geen bronnen.