Henk Zeinstra: Kertiersteat fan Titus Brandsma I (Brandsma) (Genealogysk Jierboek 2005):
Doe't stiefheit Folckert Sippes yn 1709 de prokureur Jan Schuyringa ûntbea om it akkoart mei de fjouwer bern fan Aeltie Gerbens en himsels op skrift te stellen, wenne Ipe te Ljouwert. Hy ûndertekenet dat stik mei in oefene hân: J:S: Cuperus subscripsit 1709. lt sit as bylage B tusken de prosesstikken út 1711. Ferliking mei in twadde stik mei deselde ynhâld, mar wat oars formulearre, dat as bylage C yn itselde dossier sit, ferrdútst dat l:S: Cuperus de skriuwer is fan dat twadde stik. Wannear't it proses fan syn stiefheit mei syn skuldeasker Gerben Jans yn 1711 spilet, wennet Ipe ek yn Ljouwert. Yn 1712 wie Ype Cuperus, áld 42 jier, te Ljouwert, klerk fan de abbekaat Frisius. lt sil dan ek gjin tafal wêze dat dr. Franciscus Frisius yn 1711 foar it Hof van Fryslân ek de abbekaat fan Folckert Sippes wie.
Yn 1710 keapet Ypo Cuperus as mei-prokureur foar it kriichsgerjocht fan de Fryske en Nassauske rezjiminten in hûs yn de Heer van Amelandstraat te Ljouwert. Ypo 's namme komt nochal ris foar yn prosesstikken. Yn 1715 is er prokureur-postulant.
Yn 1719, wannear't er as kurator oer Claes Sybrants in keamer yn de Amelandsstraat keapet, is er prokureur-postulant foar ferskate gerjochten.
Yn 1726 wie Janke widdo. Hja libbet noch yn 1740.
De getoonde gegevens hebben geen bronnen.