ORA Naaldwijk [fol. 152v.] 23-5-1582: Lenairt Pietersz. onsen buijerman oudt ontrent XXIX jaeren rechtelicken geroupen zijnde ter instantie en(de) versoucke van Andries Claesz. ende heeft verclaert en(de) gedeposeert warachtich te weesen als dat hij deposant in voorigen tijden gewoont en(de) gedijent heeft ten huijse van W(ille)m Claesz. deses requirants voirsaet was za: geleeden ontrent acht jaren vanden juijsten tijt onbehaelt, gezijen heeft dat eenen Corn(elis) Engelsz. om zijn dachgelt werckende ten huijse van W(ille)m Claesz. voirs. deur bevel en(de) aenwijsinge van(den) selven W(ille)m Claesz. affgehouden heeft zeeckere rijs staende upte stouen (?) aen(de) westzijde van(de) Oudendijck teijnde ontrent drie mergen lants dat doen ter tijt Maerten Corn(elis)z. bruijcte en(de) dat hij deposant de selve rijs uplasch en(de) tsaemenbonde en(de) thuijs bracht.
ORA Naaldwijk [fol. 113] 19-10-1585: Andries Claesz. wonende inden Hondertlande als man en(de) voocht van Maergen Maertensdr. wed(uw)e wijlen Willem Claesz. ter eenre en(de) Dirck Jansz. Vercroft wonende binnen desen ambachte als man en(de) voocht van Neelgen Claesdr. ter andere zijde en(de) bekenden metten anderen geaccordeert en(de) overcomen te weesen beroerende de grontcavelinge vande eijgen en(de) leenlanden bevonden inden boell van Claes Jacobsz. za:ge: die bedragende waren tot vijftijen mergen drie hont sulcx de selve dvoirs. Willem Claesz. en(de) Neelgen Claesdr. aengecomen waren voir deene helft bij dode en(de) overlijden van(den) voirs. Claes Jacobsz. heurluijder vader was en(de) volgende tbewijs en(de) wtcoop bij Joosgen Arentsdr. haere moeder dair van gedaen. Als dat dvoirs. Dirck Jansz. nomine uxoris als voren sall hebben en(de) behouden inde plaetsche van haer vijerde portie van(de) voirs. landen de vijftalff mergen lants gelegen binnen desen ban inden Brouck genaemt de Scaepweijde. Dair van dvoirn. Andrijes den voirn. Dirck vercoft cesse en(de) updracht dede mits desen den selven Andrijes Claesz. mede nomine uxoris als voren wederom behouden sall eerst de vijer mergen genaemt de Oudendijck wesende halff eijgen halff leenlandt sulcx en(de) inder vougen de selve bijden voirn. Claes Jacobsz. en(de) W(ille)m Claesz. bezeten en(de) gehouden zijn geweest en(de) noch seven mergen eijgen lants gelegen inden ban van Maeslandt.
Hij is getrouwd met Maertgen Maertensdr Coppers.
Zij zijn getrouwd
Willem Claasz | ||||||||||
Maertgen Maertensdr Coppers |