Hij had een relatie met Alijt Gerritsd.
Kind(eren):
Mathijs Dircxz is zijn dingtael tegens Jan Gijsbrechts Witgensz ende Mathijs voirscreven die seyt
hij te recht gepant heeft ende dat hij in zijnre pandinge bliven sel in den recht van de stede
ende seyt reden want bij ende ware om alsoe als hij gepant heeft na inhout der stede
... boec? van Leyden ende Mathijs voirsz. die seyt dat men geen scepene kennesse deden en
mach dan mit scepen kennisse of mit scepenbrieve ende dit seyt Mathijs voirscreven
dat recht is ende begeert hier of een vonnisse van scepenen ende eerst hier up gehoirt te wesen.
Gijsbrecht Jansz is zijn dinctael tiegens Mathijs Dircxz ende Gijsbrecht vorisrecen die seyt dat
Mathijs voirn. hem te hoge gepant heeft, ende Gijsbrecht voirscreven die seyt soe wie dat te hoge
pant dat die mit onrecht pant na den recht van der stede, reden wair bij ende wair om men
nyement panden en mach dan mit scepene of mit scepene brieven of om huyshuyer, lanthuyr
of molenhuyre binnen t'sjaers verschenen, ende Gijsbrecht voirscreven die seyt dat hij tiegens
Mathijs voirn. gecoft noch vercoft, noch tiegens hem gehuyrt en heeft, hier om soe
seyt Gijsbrecht voirsz. dat hij vrij ende quijt van de pandinge wesen sel, also Mathijs gecomen
is int jair van 71 tot Martijn Tilleman om een somme van opennyngh die hij hem sculdich
was na uutwijsinge zijnen brief die hij dair of heeft ende ic dair in stae als borge
voir die een helft, ende Martijn Tilleman uutsettinc begeert heeft van Mathijs Dricxz
om onder te houden een jair lanc dese voirsz. penningh dair ic borch van bin ende mit
malkander over gecomen zijn mit een somme van pennyngh die Martijn voirsz. Mathjijs Dircxz
geloift heeft te baet vant gebruycken een jair lanc dese penningh ende een scpene brief
dair of verlee heeft van baet in die laetste poortdinc van ponciam van t'jair 73
ende dit wil ic betugen mit Jacop Vinc als scepen ende Martijn Tilleman ende Alijt zijn wijf
als sculdenairs ende mit Mathijs Dircxz als eyscher, hyer om seyt Gijsbrecht Jansz
dat hij te hoich ende te onrecht gepant heeft ende begeert mitten tugen hier up gehoirt
te wesen ende hier of een vonnisse van scepenen etc.
Aldus soe wijsen scepenen alsoe Mathijs Dircxz gepant heeft Gijsbrecht Jansz als borge voir die helft
van den coop van Martijn Tilemans huys, dat Heynric Allairtsz was also om die helft van hondert
zes en een half schelling ende negen doeyts ter goeder rekeninge dat Mathijs voirsz. bliven sel in zijnre pandingh
ende geven Mathijs voirsz. die kennync gewonnen ende Gijsbrecht voirsz. verloren. Actum 6 dagh in Julio anno 73.
Jan Gijsbrecht Witgensz | ||||||||||||||||||||||||||||||||||
Alijt Gerritsd | ||||||||||||||||||||||||||||||||||
De getoonde gegevens hebben geen bronnen.