RAT. Loon op Zand. R 55 f 91v d.d. 26-4-1519.
Henrick soon wilner Adriaen Oirlmans heeft gelooft als een principael schuldenaer Claes Jan Gosensoon eene jaerlijckse ende erffelijcke chijns van dertig stuijvers, te betalen alle jaeren op St. Jans dach Baptista waer af den eerste betaeldach sijn sal van nu St. Jan over een jaer, uit ende van zijn erffenisse metten timmeringen daerop staende, gelegen op die Vaert metten eene zijde neve Peter Huijben ende oock die andere sijde, streckende van de vaertcant tot sheerenstraete toe als hij seede. Ende na des geschreven coops soe heeft Henrick voors. Claes voors. opgedragen ende overgegeven met afgaen ende vertijen als recht is. Gelovende als een principael schuldenaer op hem ende op allen zijn goet, Claes voors. den erfchijns voors. te waren ende alle commer af te doen. Testes, Lambert die Meijer ende Peter Faessensoon. Actum anno 1519 den 26e dach van april.
Item: dese erfchijns van dertig stuijvers mag Henrick altijt lossen ende quijten met 24 rijns gulden tot 20 stuijvers stuck ende metten verschenen renten ende gelt nae deser valuanten ende een verdeel jaers te voren op te seggen. Testes ut supra op Sinte Jansdach.
RAT. Loon op Zand. R 55 f 186v d.d. 18-9-1532.
Henrick Oirlmans heeft gelooft als een principael schuldenaer op hem ende op alle zijn goet Claes Jan Gosens te betalen nu tot Bamis naestcomende ses karolus gulden ende als die pleijten vaert noch ses gulden ende tot paesschen naestcomende noch ses karolus gulden, elcke gulden tot 20 stuijvers. Testes, Peter Faessen ende Pauwels Henricks. Anno 1532 den 18e dach in september.
RAT. Loon op Zand. R 56 f 25v d.d. 18-9-1538.
Henrick Oirlmans heeft gelooft als principael schuldenaer op hem ende op allen sijn goet Adriaen van Grevenbroeck te betalen nu tot paesschen naestcomende 14 gld. ende den andere paesschen nog 14 gld. ende den derden ende den lesten paesschen nog 12 gld. Dies is Gerit Oirlmans nog borch geworden voor sijnen broeder. Testes scabini, Ariaen Henricks ende Peter Gisbrechts. Anno 1538 den 18e dach in september.
Henrick Adriaens Oirlemans |
Les données affichées n'ont aucune source.