1. Henrick Tenckinck, d. Abt 1594/ Secundaire bronnen
2. Berent Tenckinck
Notes
1565:
Mette echte Dochter z. Gerdt Wassinx in Caten und Jenneken sin husfr. heft vermidts Wilhm Hartliefs hir to oren verkaeren und togelaten mombar uth oren voirbedachten beraet und frien willen sich to dem huse Brefort hofhorich gegeven to ener rechten wederwessel voir Trinen echte dochter Johan Tenckinx und Nalen siner husfr. die dair voir avergegaen und der hofhoricheit vrij gelaten is worden und Mette vermidts oren mombar vurs. sall nu vortan des hofrechten genieten und misgelden gelick andere des huses Brefort horige lude, renuntierende uthdrucklich up alle beneficien, waldaden gonsten und vriheiden der rechten so hier en tegen to stade kommen off voirgenomen mochten werden. Allent sonder argelist.
Volget hirop Trinen vurg. Vrijbrief
Ick Jacob van der Capellen Droste tho Brefort do kondt und bekenne in und vermidtz diese besiegelden brief voir mij und min nakomenden Amptlude, dat ick in namen und van wegen des Edelen und walgeboren hern Diderichs van Brunckhorst und Batenborch hern to Anholt, Bannerhern to Baer und Latum Panthern to Brefort etc. mins edelen lieven hern hebbe frij, lois und ledich gelaten, frij, lois, ledich late und geve in craft dieses briefs Trinen echte dochter Johan Tenckinx und Nalen siner husfr. van alsolcker hofhoricheit dair mede zie sus lange dem huse Brefort bewant und verplicht gewest is, also dat zie sich nu vortmer sall mogen keren und wenden in wat echte off rechte hoir beleven sall und hebbe dair voir und in oir stede tot ener rechter wederwesselungh in geliker hofhoricheit tot behoef des huises Brefort ontfangen Metten echte dochter Z.. Gert Wassinx und Jenken siner husfrou wen die sich voir oir und in stede Trinen vurgemelt dem huse Brefort hoffhorich gegeven heft, und gelave diesem nae voir mij und min nakomlingen bemelter Trinen dieses wo vurs. ein waer te sin und warschap t doen als recht is nae dieses ort landes gewonte und gebruck, allent sonder argelist.Dess in oirkondt der warheit hebbe ick min Siegel an diesen brief gehangen den 16. Aprilis A (15)65.
Bron: Hofboek p. 441-443