Généalogie Bosma-Van der Voet » Les sources » 1485 Willem Otten wairsman van t Leeg eynd van Middelcoop

[Folio 39]
[22-8-1485]
Jan Roelen Vos XXII in augusto.
Willem Otten als wairsman van t Leeg eynd van Middelcoop, Herman Geritss, Jan Korstkens, Berndt Everits als heemraden van s'gemeyn lantswegen, geloven Jan van Uutwijc ende Sander Claess vijfftalff hondert scilden ende XXV, te betalen tot drieen terminnen, den eersten termijn corsmis proxima, den anderen corsmis daer nae, ende dorden corsmis daernae, off XIIII dagen dair nae onbegrepen, te weten elken dach voirs. ende betalen sij ten voirs. dagen niet, so geloven sij den voirs. Jan ende Sander alle dage enen scildt, te weten also menigen dach alst over gaet.
Idem.
Jan van Uutwijc, ende Sander Claess, Franc Dircs ende Jan Otten - Jan Corneliss, Dirc Jans, Govert Vinc ende Geryt Otten te weten elkx twee een helft - geloven Willem Otten tot behoeff s?gemeyns lants van t Leeg eynd van Middelcoep een molen te maken ende te setten mit drie wacht holen, tot alsulker tijden ende van alsulken hout, gelijc die cedelen die daer aff sijn, dat uut wijsen ende begrijpen, upten peyn als boven.
Op de kant: Noch ist voirwairden dat die molen gemaect ende gancbar sijn sal in die cors heilige dagen proxima.

Transcriptie Rechterlijk archief Gorinchem no.26 (oud archiefnummers no.212 en 1890 nr. ...) 27 jan 1485 - 19 nov 1485. Transcriptie uitgevoerd door H. den Hertog, Bodegraven. Laatst verwerkt : rag-26-1485.doc; vrijdag 2 oktober 2020.