Stamboom Jansen » Lambert von Isselmuden (± 1395-> 1428)

Persoonlijke gegevens Lambert von Isselmuden 

• Hij is geboren rond 1395.
• Hij werd gedoopt.

  Geloof: r.K.

• Hij is overleden na 1428.
• Een kind van Ernst von Isselmuden en Isabel Guedzing
• Deze gegevens zijn voor het laatst bijgewerkt op 2 mei 2009.

Gezin van Lambert von Isselmuden

Notities over Lambert von Isselmuden

urk. 1422-1428, NL 1938 pag. 440-441, 22 jan. 1428: Wij Lambert, Gheert ende Evert gebroders van Yselmuden bekennen ende betugen mit dessen openen brieve, dat wy mit unsen vrien willen ende gueden berade onss ende bi onsen vrienden hyr nae bescreven die daer over ende an gewesen hebben als moetsoens lude ende scheydeslude als Gheert Stellinck, Gheert Mulaert, Egbert Mulaert, Rolf Waninck ende Otto Waninck van alsulcker erfnisse ende guede als hem an bestorven is van dode oere vadere ende oere moeder den God genedich sy in aldusdanen vorwaerden, dat Lambert ende Henric syn broeder hebben soelen alsulc guet als gelegen is inden kerspel van IJselmuden ende Wilsem mit rade ende onrade; hyr af soelen betalen Lambert ende Henric voirss. Gheerde van Tybenkamp ende Konnen synre huysvrouwen oer suster tot rechter medegaven hundert olde schilde ende sestich, voert soe soelen si geven Jonfer Ripen oer suster twaleff heren pont des jaers tot oeren live, ende dat sal weder comen up Lambert ende Henric voirss. oft oeren erfg. hyr en tiegen sal hebben Geert ende Evert voirss. alsoedanich guet als hem an bestorven is van oer vader ende moeder voirss. als gelegen is in der heerlicheit van Rune ende in Drenthe, hyr soelen Geert ende Evert voirss. van betalen Gheert Mulaerde ende Fyen synre huysvrouwen oer suster tot rechten medegaven hundert overlantsche rensche gulden.
Ende den abd van Dickeningen die summe die sy hem schuldich syn van oere suster Jonfer Lisen. Ende voert die sess virendeel botteren die sie oere suster Lisen voirss. gemaect hebben to lieftuchte, die soelen weder comen up Geert ende Euert voirss. oft up oeren rechten erfg. Voert sint vorwaerde alsulck guet als sie liggende hebben in den lande van Ghelre in den kerspel van Dersp( yk?) ( = Doornspijk?) teende ende arve daer sal Lambert ende Henric voirss. die helfte van hebben ende Geert ende Evert voirss. die ander helfte ende dit voirss. guet sal Lambert voirss. hoelden in leenscherwere, voert soe sal die manscap Lambert behoelden alsoe lange als hi levet, wan hij niet langer is soe sal die manscap comen up den oldesten broeder die dan Guesinge beseten hevet ende niet up Lambert kinder, voert sal Lambert voirss. Henric sinen broeder voirss. vernoegen van desser voirss. arfnisse dat daer Geert ende Euert voirss. ghien last van hebben soelen. Ende desser brieve syn twe al eens sprekende, die een heeft Lambert ende Henric voirss. ende den anderen Gheert ende Evert voirss. In oirconde der waerheit want wy Lambert, Geert ende Euert voirss. willen dat desse punten stede ende vast bliven soelen. Soe hebbe wy Lambert, Geert ende Euert voirss. voer onss voer Henric onsen broeder onse segele an dessen brieff gehangen.
Gegeven int jaer onss Heren dusent vierhundert acht ende twintich up Sancte Vincenciusdach.

Heeft u aanvullingen, correcties of vragen met betrekking tot Lambert von Isselmuden?
De auteur van deze publicatie hoort het graag van u!

Tijdbalk Lambert von Isselmuden

Klik op de namen voor meer informatie. Gebruikte symbolen:  grootouders    ouders    broers/zussen    kinderen