Sie war verwandt mit Ariaen Jan Nauwen.
Kind(er):
Anna Adriaen Aert Elias | |||||||||||||||||||||||||||||||||||
Ariaen Jan Nauwen | |||||||||||||||||||||||||||||||||||
Joost sone Adriaen Joosten als man en(de) momboir Jenneken douwtste sijne huijsvr(ouw) d(ochte)re wijlen Adriaen Jan
Nauwen bijden selven Adriaen ende bij wijlen Anna sijne huijsvr(ouw) d(ochte)re Adriaen Aert Elias tsamen verweckt, heeft
wettelijck en(de) erffelijck vercoght Gielisen Janssen de Weir tot behoeff van(de) bruerschappe van onser liever
vrouwen inder kercken van Oisterwijck eenen jaerlijcken en(de) erffelijcken chijns van drije ka(rolus) gul(den) van twi(n)tich
stuveren tstuck off de waerde daer voor in anderen goeden loopenden gelde te vergelden en(de) te betalen allen
jaer erffel(ijck) op Sinte Gertruden dach waeraff den iersten betaeldach wesen zal op Sinte Gertruden
dach nu naestcomen(de) wezen van gisteren over een jaer van en(de) vuijt een stucxken eckerlants een lopens(ae)t
oft daeromtrent begrijpen(de) gelegen inde prochie van Oisterwijck ter plaetsen genoempt inde Sesshoeven
tuss(en) erff(enisse) der erffg(enamen) Claes Gerit Colen aen d'een sijde ende tuss(en) erff(enisse) der kijnderen Lenaert Jacops(soen) aen
d'ander sijde en(de) metten een(en) eijnde strecken metten anderen eijnde aenden gemeijnen wech aldaer ende
noch van en(de) vuijt een stuck beempts vijff lopensaet oft daeromtrent begrijpen(de) gelegen inde prochie
voors(chreven) ter plaetsen genoempt Udenhoudt int Willichbroeck omtrent de Gruenstraete tuss(en) erff(enisse) Marie
wed(uw)e Peter Thijs Vuchts aen d'een sijde, ende metten een(en) eijnde tussen erff(enisse) Jenneken wed(uw)e Lambert
Joosten aen d'ander sijde strecken(de) metten anderen eijnde aen erff(enisse) Aert Aerts(soen) van Tilborch, als hij sede
om den voors(chreven) chijns bij de voors(chreven) bruerschappe in den erffrecht te hebben en(de) te besitten geloven(de)
die voors(chreven) Joost als schulder principael op hem en(de) op alle sijne goede(ren) hebben(de) en(de) vercrijgen(de) en(de)
is te waren ende die voors(chreven) onderpanden voor de jaerlijcxe betalinge van(de) voors(chreven) chijns altijt
goet seker genoech en(de) verdogen(de) te houden en(de) te maeken en(de) allen anderen commer calamgie ende
aentael daerinne wezen der selver aff te doen geheelijcken vuijtgenomen een thuijn erffchijns
den hertoge van Brabant vuijtten voors(chreven) stucxken lants gaen(de) ende noch sekeren grontchijns metten
voors(chreven) stuck beempts den pastoir van Oisterwijck ijerst van rechts wegen daer vuijt te v(er)gelden
met conditien hier inne toegedaen dat die voors(chreven) Joost den voors(chreven) chijns sal mogen lossen en(de) quijten
altijt alst hem gelieve sal finaels en(de) eens met vijfftich gelijcke ka(rolus) gul(den) metten jaerchijns en(de)
metten afterstelle ten thijde van(de) los(sing) ten achteren en(de) ombetaelt staen(de) Behoudelijck dat hij
Joost schuldich sal zijn den los(sing) een halff iaer te voirens wettel(ijck) op te seggen Getuijgen waren
waren hier over scepen(en) in Oisterwijck Dierick Gerits(soen) van(de) Wiel en(de) Goossen Peijnenbarch
die huere segelen in getuijgenissen hier aen hebben gehangen opten achthiensten dach van(de) merte
int jaer ons heren duijsent sesshondert en(de) negen -
L Coene
d(uplicetu)r u(n)a p(ro) gilda altera p(ro) iuduco
Altra gilda
(achterkant)
Gilda Marie in Oister(w)ic(k)
iii k(arolus) gul(den) 4 st(uijver)s vi p(enningen)
Joost Adriaen Joosten
(rechts)
B: in judicio voor den achterstaen(de)
intrest, actum den 25 7ber 1685
Aantekeningen
N.B. Herkomst: 734. Archief Petruskerk Oisterwijk, inv. nr. 338.