Familienstammbaum Oving » Melle AYKEMA (????-< 1547)

Persönliche Daten Melle AYKEMA 

• Er ist verstorben vor 1547.

  
  Digitaal Oorkondenboek Groningen en Drenthe, origineel cartago.nl
  Kloosterarch., inv.nr. 95, reg. 1061
  
  5.2.1547
  Ick Luel Aykema hoevelinck toe Westerdyken bekenne ende betueghe myt dessen openen brieve voer my
  ende mijnen arffghenamen woe ick hebbe upgheboert ende ontffanghen van den prior, priorinne, seni-
  orissen ende ghemenen conventualen des conventes toe Trijmunte soedanighe principael summa(a)/a van ghelde myt
  den renthen myn salighe vader Melle Aykema ende Bele myn moeder toe voeren ende ick nae hebben
  ghehat ende ghemaent uut des vorscreven convents landen ter Lunen in Colmer lant (.) daer Ffaes ter Lunen hoer
  meijer nu op woent ende brueker van is nae inholt ende vermoeghen eens renthebreves wy daer aff heb-
  ben twelcke alhijr nu neet teghenwoerdich is soe die in alle sijn effect is mede brenghende over dat voer-
  screven lant. Voert woe ofte waer die gheleghen moeghen wesen die voerscreven renthen nae inholt des
  breves toe manen. Ick noch myn arffghenaemen mytten sulfften principael breeff op dat voerscreven convent
  ofte hoer naecomelinghe bet opsprake toe hebben ende dancke hoer der halven gueder betalinghe den
  laesten penninck mytten ijrsten. Waer omme ick loeve voer myn ende myn arffghenaemen hoer ende
  hoer naecomelinghen daer van vrij ende schadelos toe holden voer alle anspraken sunder arghelist.
  Dat oerkunde ick Luel voerscreven myt myn seghel an desen brieff gehanghen inden jaere ons heren
  dusent vyffhundert soeven ende veertich des vrydaeghe nae purificacionis Marie.

• Diese Information wurde zuletzt aktualisiert am 19. August 2023.

Familie von Melle AYKEMA

Er hat eine Beziehung mit Bele NN.

Kind(er):

1. Rixta AYKEMA  ????-> 1574 
2. Luel AYKEMA  

Haben Sie Ergänzungen, Korrekturen oder Fragen im Zusammenhang mit Melle AYKEMA?
Der Autor dieser Publikation würde gerne von Ihnen hören!