Familienstammbaum Oving » Jarich ter BORGH (????-< 1494)

Persönliche Daten Jarich ter BORGH 

• Er ist verstorben vor 1494.

  Erfgenaam van Oda ten Dijke in 1479
  Huis Archief Gruijs, inv 321, origineel cartago.nl
  1479
  Wy Bartolt Entens end Jarch ter Borch
  Menolt Ompteda bekennen ende betuegen myt dessen openen breve voer ons end unse arffgenamen
  dat wy hebben gemaket een ewyge wissell ende scheydinge als van den lande dat wy hadden
  liggen op die Meden dat ons Claeus Kater, Bertolt Entens, Jarch ter Borch angekomen was
  van Oeden toe Dyck seliger gedechtenissen als van unser huesfrouwen wegen daer Ick
  Claeus Kater vorscr. myn part Menolt Ompteda myn swager den derde part van tho boedell
  heb gegeven myt mynre dochter Vrouke ende ick Claeus Kater voer my end mynen erffgenamen
  mede toe laet desse scheydinge Item inden eersten soe sal Bartolt vorscr. hebben ende beholden Rode
  Mennen heert Item myt vier volgers buten dyck bet negen manne mat int eygendeell twalff
  koe graes buten dykes dreenddartichtste halff hundert inlandes end een vierendeel van enen
  volger overloeps end Bartolt vorgen. sal hebben uut Willem Schoemakers heert off land seventyndehalff
  hundert inlanders Item des soe sall hebben Jarich ter Borch Goeken heert end holden Item myt
  vier volgers buten dck bet negen manne mat int eygendeel twalff koe graes buten dykes ende
  dre end dartichste halff hundert inlandes end een overloep van een manne mat int eygendeel Item soe
  sal hebben Menolt Ompteda Voken heert end beholden Item vier volgers buten dyck bet negen
  manne mat int eygendeel Item twalff Koe graes buten dykes dre end dartichste halff hundert
  inlandes end den overloep van een manne mat int eygendeel Item voert soe sal van dessen dre
  heerden dat int lant allyke groet wesen Item voert meer wat heerlickheit de daer vallen op de
  meeden als van Oeden wegen to Dyke de sullen desse vorgen. dre parten offte hoer arffgenamen to samen
  to horen ende to lyke hebben end deelen ende den steen op de meden de sullen se oeck to samen delen
  van desse vorgen. guede Item desse vorgen. scheydinge sal stede end vast wesen end unverbroken sunder
  argelist end nye vunde de dar men mach vinden In oerkonde der waerheit soe hebben wy Bartolt Entens
  ende Jarch ter Borch onse segele beneden an dessen brieff gehangen End want ick Menolt Ompteda
  vorgen. selven gheen segell en heb soe heb ick Menolt vorgen. gebeden mynen kerckheren heer Bruen
  opt Sand dessen brieff voer my to besegelen End ick Heer Bruen Kerckheer opt Sant om bede willen
  Menoldus hovetlinckge opt Sand hebbe myn segel beneden mede an dessen brieff gehangen Int Jaer
  ons heren dusent vierhundert negen ende tsoventich des vrydages voer sunte Margareten dach.

• Diese Information wurde zuletzt aktualisiert am 19. August 2023.

Familie von Jarich ter BORGH

Kind(er):

1. Eucka ter BORGH   

Haben Sie Ergänzungen, Korrekturen oder Fragen im Zusammenhang mit Jarich ter BORGH?
Der Autor dieser Publikation würde gerne von Ihnen hören!